Məhkəmə-Hüquq Şurası tərəfindən dövlət başçısının ədalət mühakiməsinin səmərəliliyinin artırılması, məhkəmə fəaliyyətində şəffaflığın və vətəndaş məmnunluğunun təmin edilməsi ilə bağlı tapşırıqlarının icrası üzrə ardıcıl tədbirlər görülür.

Vətəndaşların məhkəmə fəaliyyəti ilə bağlı müraciətlərinin daha səmərəli araşdırılması, qeyri-prosessual münasibətlərə şərait yaradan və haqlı narazılıq doğuran pozuntuların dərhal aradan qaldırılması məqsədi ilə Məhkəmə-Hüquq Şurası tərəfindən vətəndaşların bilavasitə məhkəmələrdə qəbulları keçirilir.

Təqdim olunan cədvəl vasitəsilə vətəndaşlar hər ay üzrə müvafiq məhkəmələrdə keçirilən qəbulun vaxtı və yeri barədə məlumatla tanış ola bilərlər.

Vətəndaşlar qəbula müvafiq məhkəmələrdə, eləcə də Şuranın (012) 510-22-97, 510-82-96 nömrəli telefonları və ya info@jlc.gov.az elektron poçt ünvanı vasitəsilə əvvəlcədən yazıla, yaxud birbaşa qəbula gələ bilərlər.

Bununla yanaşı vətəndaşların ənənəvi qaydada qəbulu Məhkəmə-Hüquq Şurasında vətəndaşların qəbul edilmə Qaydasına müvafiq olaraq həyata keçirilir. Qaydalara uyğun olaraq, vətəndaşlar Məhkəmə-Hüquq Şurası Aparatı tərəfindən bütün iş günləri ərzində, Şura üzvləri tərəfindən isə hər ay üzrə müvafiq günlərdə qəbul edilirlər (Qəbul cədvəli əlavə edilir).

Müraciətlər həmçinin, Məhkəmə-Hüquq Şurasının rəsmi elektron ünvanına (info@jlc.gov.az) göndərilə, yaxud (012) 510-21-62 nömrəli telefonla faks edilə bilər. Həmin müraciətlərə "Vətəndaşların müraciətləri haqqında" Qanunda nəzərdə tutulmuş qaydada baxılacaqdır.

Həmçinin bildirilir ki, Şurada "Qaynar xətt" (012-310-22-77) fasiləsiz fəaliyyət göstərir.